المختار-خدوني على ءد عءلي

[محمد احمد السيد دره]

السلام عليكم
الرجاء لا تسخروا مني ولا من عءلاتي ولا تءولو الزلمي فعلا خرف ممكن تكون للبعض شغلي عادي ومتوفره في كل مكان بس أن تصل الى وسط أوربا عاصمة الصناعه المتطوره .
بلا مءدمات وكر على الفاضي صبركن عليى
البرد بلش يخش للعضم سدؤوني ماكنا نحس ب البرد كتير ولو زادت على 10تحت الصفر وكأنو جلدنا تمسح أو الآحساس طار المهم ءالت أم العيال الله يخليلي ياها يازلمي شايفلك البرد عم بشد وخايفي عليك --- خسى شو مفكريني ختيرت حمءت الرجاجيل ضربت بنافوخي -- طول بالك لا تنحمء رح اشتريلك طءم داخلي يدفي عضماتك مو سامع ب الآخبار رح توصل ل16 تحت الصفر –هدول كزابين متل فتاحين الفال كل هل علاك ليرفعوا الآسعار المهم جينا عل البيت فعلا برد وبرد وبرد
سلمنا على أهل البيت – شوف شو جبتلك وكأني ولد صغير عم يستنى هدي -- هلء وءتو--- يرحم الغالين شوف وجريب والله حلو --- الله يحلي أيامك لبعدين بجربن – يالطيف على هل مءل المهم تخجلني --- طيب أمري ل الله ءوه لك والله حلوين وناعمين على جلد التمساح وكانت المفاجءه وغرورقت عيني بلدموع الله الله الله يابلدي ملبوسات قطني نخب أول بكم وب نص كم الله تزكرت أخونا الغريب وعودته تزكرت كلمات نجمتنا وهي تنشد ل أدلب وزيتونها يرحم ءطرابك يابلدي فلن نشعر ب البرد بعد اليوم فصناعاتك القطنيه وصلت المانيا وشو نخب أول والله نخب أول أقسم لكم ب الله نخب أول والله العظيم نخب أول لولا العيب وماتؤولو الزلمي جن لتصورت فيهن ولزءتلكن الصوره فلنبارك لتلك الآيدي الطيبه التي قدمت لنا الدفء ولندعوا الله أن يحمي أرضنا لننعم بخيراتها
دمتم بود
أخوكم

_________________

[love tulip]

اي يا عمي الله يرجعك بسلامة عإدلب
_________________
مهما جلسنا نضحك و ناخد من الحب المتاع لا بد لحظات المفارق نرتشف كاساتها حتى لو أكذب و أتوهم حبنا وهم وخداع الدمعة اللي في عيوني تعكس معاناتها حتى خفوقي لو يقول على بعدك شجاع ساعة فراقك مستحيل يحتمل لحظاتها

[الغريب]

آخ يامختار ماعم صدق أنو رجعت عالبلد صحيح الجو بارد بادلب
بس مو -16 ....الله يرجع ويهيء الظروف لكل مغترب بالعودة الى بلده....
_________________
 مادعوة أنفع ياصاحبي   من دعوة الغائب للغائب    ناشدتك الرحمن ياقارئا    أن تسأل الغفران للكاتب

[Equalizer]

[ميتو]

ياسلام على هالخبر الرائع يامختار
ملبوساتنا الوطنية وصلت ألمانيا شيء بيرفع الراس
تلبسهم بالهنا إن شاء الله وميزتهم (صناعة وطنية ونخب أول)
تحياتي مختار والله يديم علينا بلادنا وخيراتها
ونشوف صناعتنا تغزوا العالم كله مع شهادة الجودة العالمية
_________________

رباهُ قد عرفتكَ خفقةً في أضلعي
وهتفت باسمك يا لهُ من لحنٌ يرنُ بمسمعي

[الدكتور مصطفى]

والله اشتقتلك يا مختارنا الغالي
رجعت وماعاد أسرق ختم المخترة
_________________
وَ إِنِّي لأَرْجو اللهَ حَتَّى كَأَنَّني أَرَى بِجَميلِ الظَّنِّ ما اللهُ صانِعُ

[نضال64]

مين قال عيب تتصور فيه ابو يونس
هات لشوف تصور وخلينا نشوف شقارك

لا يوجد أحن ولا اجمل من تراب بلدنا ربنا يردنا لها سالمين
تحياتي ابو يونس
وكرمال عين الدكتور مصطفى أنا جهزت
نفرين نشالين درجة إولى من شان نسرق الختم
بقى دير بالك وهل الكلام اعتبره تهديد وعلى عيني وعينك يا تاجر
بدناااااااااااااااااااااااااااا نسررررررررررررررررق الختممممممممممممم يا ابو يونس
_________________

سبحان الله وبحمده عدد خلقه وزنة عرشه ورضى نفسه ومداد كلماته .......... أخوكم أبو محمد

[ابو الروض]

_________________

ليس الإنجاز أن تصنع ألف حبيب في سنة ...... ولكن الإنجاز أن تصنع حبيب لألف سنة

[فاطمة ديري]

يا عمي المختار بتبءى تياب بلادنا أدفى ثياب لأنها من بلدنا ومو من بلد تاني وحتى لو كانت نص كم مدام فيها ريحة البلد كافي

بس لا تحلف كتير نحن منصدقك من دون حلفان












بس بدي الصراحة هلق هدول عنجد نخب أول ولا في كلام تاني
أنا ما عبحقق معك بس إذا بدك تقول نحن عمنسمع

نصيحة يا عمي أنك تخبرنا لو كانو نخب أول ولا شي تاني
لانو في بعض الشباب بدهون يشوفو بعيونون
وما بدي أذكر أسماء منشان ما أغتاب حدا

قبل ما أمشي بدي قلك دير بالك على الختم لانو في مين عبيخطط للسرقة وبرجع وبقلك ما بدي أذكر أسماء ما بحب أغتاب الناس

[رائد]

الله يديمك يامختار ويديم حكاياتك الرائعة
_________________

[باسل طربوش]

مختارنا الغالي الله يرجع كل غريب لاهلو وبلدو وما في احسن من الوطن وملبوساتو تحياتي لك

[مرح]

بالهنى مختار وإنشالله تهريهم بالعافية يارب ..............
_________________
أمي ياملاكي ياحبي الباقي للأبد          ولم تزل يداكي أنشودتي ولم أزل ولد

[انتصار]

مشكور مختار موضوع جميل
الله يديم علينا بلادنا
وخيراتها وكل شي فيها
ويرجعكم لبلادكم بالسلامة